მე პეპი გრძელიწინდა

გამარჯობა!
მე პეპი ვარ. 19 წლის. მართალია სინამდვილეში 21-ის ვარ, მაგრამ თქვენთვის 19-ის ვიქნები.
სხვა გზა არ მაქვს, პეპის კვალობაზე 21 წლის ზედმეტად დიდი გამოვდივარ და ვიქნები რა 19 წლის თქვენ თუ არ შეგაწუხებთ…

ძალიან გამხდარი და გრძელი კანჭები მაქვს, აი ისეთი როგორიც პეპის შეეფერება, ნამდვილი პეპური კანჭები.
ოღონ ერთი მავნე ჩვევა კიდევ დაემატა ჩემს ისედაც ბევრ საზიზღარ ჩვევას. ახლა უკვე ვეწევი…
არა, ცხენს კი არა სიგარეტს ვეწევი. რას ვერ ხვდები ვერ გავიგე რა!
სამაგიეროდ აღარ ვსვამ, მხოლოდ ჩაის სმით ვკმაყოფილდები.
მიყვარს ალუბალი, ასტრიდი(ჩემი ღმერთი), მზე და ჩემი ფუმფულა პრინცი.
ჰო ეს ფუმფულა პრინცი რაღაც ახალია, მაგრამ რას იზავთ შეგუება მოგიწევთ!
მართალია მე ყველაზე ეგოისტი გოგო ვარ, მაგრამ ფუმფულა ძალიან მიყვარს. ისე ძალიან,რომ ახლა ჩემზე ვინც წერს იმასაც კი ვუთხარი. წარმოგიდგენიათ (?!) არც კი მომრიდებია მასთან ჩემს გრძნობებზე ლაპარაკი.
ეს 21-ე საუკუნე რაღა ჯანდაბაა?! სად იყო ჩემს დროს ეგეთები.
ორი დღის წინ ჩემი ავტორისგან წერილი მივიღე. საწყალი მარტო ცხოვრობს და სახლის საქმეებში მთხოვდა დახმარებას. თურმე მთელი კვირის დასარეცხი ჭურჭელი ჰქონია დაგროვილი. ავტობუსის ბილეთები და კიდევ იმდენი ჩემთვის გაუგებარი ნივთები ჰქონია გადასაყრელი, რომ უკვე მეშინია იქ მისვლის და არ ვიცი რა წყალში გადავვარდე.
წუხელ ვფიქრობდი და გადავწყვიტე ჩემი მშობლიური ენა-შვედური შევისწავლო და სამშობლოში დავბრუნდე, სადაც ბევრი ალუბალი, ასტრიდი, ნათელი მზე და ჩემი ფუმფულა პრინცი დამხვდება.

აბა ჰე, კარგად იყავით კეთილო მკითხველებო!
ავტორი დამპირდა თუ კარგად მოიქცევი შენზე კიდევ დავწერო…
მე პეპი ვარ გრძელიწინდა.
19 წლის!